內訌比賽

下星期二(29/12/2009)會在主場舉行Assassin個人比賽
請各隊員踴躍參加

另外,選左兩個日子食團年飯 - 2010年2月6日(星期六)、2010年2月8日(星期一)
睇下大家邊日ok !!!

文仔字

生日快樂

係度我預早同我地既隊員V仔講聲生日快樂,
開心活潑, 龍馬精神, 財源廣進.......
咦~~咁似拜年既??點都好啦, 生日快樂, 今晚見啦!!!!


邦仔字
21/12/2009

雖然輸左.....但係好精彩!!!

single雖然輸4:2,但係都有力係double追......
最尾大分係輸左6:4
不過我地今季係double搶分已比上季好好多.....
繼續努力!!!

文仔字
(我下星期請假，大家加油!!)

榜首大戰

繼前星期進行了打批戰後，今晚Assassin又要進行榜首大戰喇，不過今日仍未病癒，真擔心呀！隊友們！努力啊！
Charmy 字

豪少話齋

想贏就努力做！

豪哥話對紅番好想贏

,結果我哋唔只贏,


仲有機會九一添呀！宜家八二都OK!

所以大家要俾啲力攪典埋其他賽事,

仲有，有冇隊友想要其他assassin的副產品，
如:帽,  外衣  ,鏢Flight,  或   其他   等等！

努力呀！

之前都覺得有啲隊伍會很厲害！但現在覺得我們都夠玩喎！

今季個頭真係開得唔錯，發現每個隊友都盡能力去做，好開心、好震憤！
大家繼續努力呀，季尾一齊站上頒獎台啦，haha……！
V仔：妳既爭勝心在HK Open已經出現啦。聯賽時，或妳有好多顧慮，如驚計錯分、行錯分，
但係要記住，on game時，人爆妳，妳爆人架啦，只要妳在230分—150分時，處理好d，早對手
1 set call分，妳既機會率就多3枝鏢囉。放下顧慮，盡情去做！盡力去做！贏要精彩！輸都要精彩嘛
大鼻：發覺你每當對手爆分時，你就會急，而影響自已節奏。要留意呀！但係見你每當有機會hi-fin時，都會嘗試！亦證明只要你敢去做就有機會喇，keep going！

個blog又真係幾空虛喎

點解近期冇咩人係個blog到留言嘅......

近期Assassin真係狀態大勇，我真係好開心見到Assassin終於成形，希望大家繼續努力。
而我就更加要加倍學識計分啦，因我知自己輸在係呢方面，同埋有時我真係好唔穩定，都唔知係唔係自己求勝心不足，還是什麼，總知連心態都要努力學習，希望大家今季體諒我啦，我會係single努力爭取勝利嘅，等大家安心嬴多d。

V仔

好耐冇係blog寫野!!!

個blog好空虛，等我寫番d野啦!!!

暫時成績不錯,大家繼續努力!!!
看見每人都有團火, 非常開心!!!

仍記得上季加入時既口號
輸贏唔緊要，最緊要精彩!!!
我已將呢種精神，帶到在自己的個人賽上(膠鏢)
good game!!!

文仔

Logo final

已修改(logo)

已更改鏢翼顏色...如有意見請留言給我
文仔字

第五十四屆硬鏢聯分組名單

已收到來季分組名單喇，隊伍如下：

logo未知拍板未呢????

"in差廚"我想問下我地個logo拍咗板要邊個未,

要blog呢個定還是有其他, 如果是其他的話個logo可否send一個給我呢??

而件T-Shirt選咗混色樣, 在出於好奇心之下有冇相比我地睇下先???

Thank you so much~~

邦仔字

Polo shirt加色

Polo Shirt - 追加

Team shirt

有關Assassin Darts Team 的Team shirt事宜，請盡快落實顏色及logo。
款式：Polo shirt or 恤衫
Logo: 前後都有。前面細的，後面大的。

富豪東方挑戰盃--硬鏢 (新秀組) 附加賽

主辦：富豪東方酒店
協辦：JDarts
贊助商：百威啤酒 & JDarts
比賽場地：富豪東方酒店華岸吧
參賽資格：新秀組 ~ 歡迎香港飛鏢會編號5600以上的鏢手

初賽日期： 9月15日星期二
抽籤時間：比賽當晚, 8時30分即場抽籤決定對賽
比賽時間：晚上8時45分開始
報名費：免費


賽制 : 賽事採取三盤二勝, 淘汰賽制
SINGLE 501 Open In / Double Out
將出線9月17日之總決賽

總決賽 ~ 賽事採取三盤二勝, 淘汰賽制
SINGLE 501 Open In / Double Out

冠軍戰採取五盤三勝定冠,亞
不設季軍戰 (平頭季軍, 不設殿軍)

最低消費 : 總決賽當晚不設最低消費, 每位參賽者將獲贈免費小食,
但必須消費最少一枝百威啤酒

比賽規則 : 按香港飛鏢會賽例，如對比賽規則有任何不同意見，以JDarts
最後仲裁為依歸



新秀組總決賽
冠軍 ~ 獎盃一座 , 獎金HK$1,200, 自助晚餐4位
亞軍 ~ 獎盃一面 , 獎金HK$600, 自助晚餐2位
平頭季軍 ~ 獎牌各一面 , 獎金各HK$350, Regal 餐飲券價值$200


備注: 酒店指定飲品*
: 所有獎品及獎金於決賽當晚賽事完成後即場頒發
: 指定飲品除外，另所有優惠比賽當晚停用.
: 富豪東方酒店將保留一切更改賽制以及比賽之最後決定權

文仔

Logo

由於電腦問題....只做到簡單的logo!!!做唔到預期想要既效果!!!

有關本季首場季後賽改期事宜

各Assassin隊友注意：原訂25/8；星期二vs Frie Fox既季後賽，因己隊人數問題，與對方商議後，現改為27/8；星期四進行，敬請留意，準時出席，如未能出席，請與隊長or我聯絡。Charmy字

Session 5 季後賽賽程

第一場：25/8 星期2 vs Frie Fox（因人數問題，將要聯絡對方改期），正確日期稍後公報
第二場：31/8 星期1 vs Sparks
第三場：9/9 星期3 vs Whatever
第四場：17/9 星期4 vs Icemen
第五場：22/9 星期2 vs Baby
Total 5場比賽，如各位在任何一場未能出席，必須在比賽前一天通知，以便安排
若同時超過3人未能出席，將要與對方安排改期，謝謝合作！
Charmy字

富豪季後新秀組賽後報告

昨晚參賽者共11人，所謂新秀組！！都唔多發覺有咩新秀，怪獸就有！
以我識既有：遊戲人間德仔(Fox)，Unknown James，Div3 Take that既ah緣，Marco。
第一圈vsDennis，此人在2星期前的master賽對個賓仔，好穩定，平均每set80分上下
最後佢輸3:2，只係輸埋鏢。點知噚晚就對佢，好彩佢發鏢瘟！唔係都好難掟，結局係
我贏2:0。
第二圈VsMarco，係九龍火鍋隊既Marco喎！邊有得玩！？都冇計啦，照砌！！
第一leg，發揮唔好，一開波就俾佢爆開百幾分！但都追到有權hi-fin，輸埋鏢。ok啦。
第二leg，好！！鼓其餘勇就同佢死過，我先行。呢個leg精彩喇！同佢來回連續6個ton！
佢100！我又100！！佢140！我又140！！佢100，我又還100！！最後我5 set鏢call
76分！佢就一百二十幾分淨。心諗有機會偷番佢一局啦，第一枝T20中S20，第二枝cover
S16；Top淨，點知跌左落S20。就係咁！俾佢Hi-fin埋左，收工。賽果輸2:0
又一次證明，對住呢d鏢手，爭一枝就玩完架喇！奉勸各位，必需小心呀！
Charmy字

有新人想加入！俾d意見喇，唔該。

致各隊友：
大鼻有個fd想參予來季硬鏢聯，請各位俾d意見…
此人名叫金毛德，Profile如下：
1 : 膠鏢手一名
2 : Rainbow鏢隊成員（第一季掟比賽）
3 : 心態：致在參予
因Assassin最多只可有10個名額，及下季將會轉型為一隊更強、更有爭勝目標既隊伍，
但當新人加入，如冇表現，將會影響其出賽次數，什有機會到場亦只能出雙人賽or冇得出
大家對來季主力single出場有咩意見請在此提出，從而作出考慮。
Charmy字

我地升上第七位!!!

我係文仔!!!
由於Heroine缺席最尾個場!!我地神奇地升上多一位...完成附加目標!!!
見到隊副寫左好多說話俾鏢隊我都有D說話想寫!!!
我冇太多意見,只想多謝各隊員!!!

首先多謝V仔帶我入隊,識到一班好隊友!!
V仔:最尾個場我拍住你double....我兩round都係c+3埋鏢,係因為你俾到好大信心我,我先做到!!
我希望你拍住每一個都俾到信心partner!! on game 時做hifinish係非常之難...個場比賽非常精彩!!
Ringo:記得係一場軟鏢比賽我掟錯分(122分剩中兩支bull,埋唔到d11,剩11分俾partner之後輸埋),之後你同我傾左埋分既重要性,你教我既分同理論,令我知道爆分可以嚇怕對手,但較分都可以嚇怕對手,你係我既啟蒙老師!!!
Charmy:初入隊時因為我既"莊"令到我欠缺隱定性,多謝你既提點,令到我更上一層!!雖然你同ringo係兩套掟鏢既理論,但兩套方法我都會融會貫通....盡量嘗試多重適合自己既方案!!!
(p.s. 你on game時係非常恐怖, 所以你仍然係殺手阿大)
BoBo:同charmy講法一樣,你個round對我地全部人非常重要...同時每當我掟完後你會即時分析我邊度可以做好d,邊度可以俾心理壓力對方,呢d就係"經驗"!!
clavin:明白你真係好鬼辛苦!!主場又要做野,完全集中唔到,但非常希望你繼續掟!!!
大鼻:你係經常有神來之筆,令到每一個人都拍爛手掌!!雖然成日笑笑口,其實係一個"笑面殺手"!!
bong:如果你當我係假想敵,希望你係用成績來挑戰我,因為以鏢隊著想,我想推動每個人進步,所以以成績打倒我係最好不過!!我知你同v仔操鏢時間比我長,但休息係非常重要!!!

至於我.....我期待on game時剩二百多分,諗點樣盡快ko對手(因為我集中力欠佳,不宜久戰!!)好多時會唔理對手有幾多分,好似同自己比賽咁!!最緊要快過佢埋就得!!所以我覺得最大敵人暫時都係自己!!!
除左星期二操硬鏢,平時lunch會攞住張分紙睇!!希望熟練多d埋分....有時快都可以俾到對手壓力!!!

績上頁
而我呢………
我行出去就唔會諗其它野，淨係諗住贏架咋。不過在協調隊中問題時，仍未夠經驗啊！
有時我會好為隊友表現唔理想而發脾氣，什至言語上演譯得唔好，導致大家可能聽得唔開心
我知這是無補於是的（個人問題黎），但出發點都係為鏢隊同大家好架，希望咁多位見諒，但我會改善呢。
大家睇完後，對我、其它隊友或對鏢隊有咩意見、有咩想講，請盡量提出，從而大家一同作出改進，達至目標
沖出第四組，染指更高組別。

（續上頁）
V仔：妳要記住，妳係主將黎架。由上一季妳要到最尾一場single先開齋；到今季，季初已可開始count
勝出場數，已知妳已比上季進步左啦（尤其妳改埋手之後），當然未至於神速級，但妳中T20既機會
已經明顯多左好多，所以妳做到100分已經唔係難事，季初既鋪排可能唔係太理想，而妳亦被逼排去
一些用作消耗對手既位置，但你亦能有好既演出喎。去到下半季，重爭d一晚兩個hi-fin添，妳要知
做hi-fin係難過做fastgame架！知道點解嘛？因為fastgame只要妳爆到分，由第一set開始，每
set100分，4set你就剩101，重有3set機會去做；但係1個hi-fin，妳就只得3枝鏢既機會可以做，
只要事但1枝唔到就冇埋，所以妳險些兒1晚做2個，真係好難架。記住每個動作、節奏同集中力，
我相信下季只要個鋪排做好d，妳可以有更好既表現。留待下季我地一齊衝出第四組啦！
Ringo：你既問題係欠缺穩定性（有心無力 haha），故下半季好多時間無出你，希望唔好介意啊。
但你在隊中既角色就係計數機，衰在single唔俾提分，如果唔係，哼！我諗對手都好頭痕啊！
要多謝你對新人既提點（行分方面，隊中你最強喇）。沒有你，我地未必睇得咁通透囉。
你見啦，V仔改左手後，明顯有進步。而你都要趁休季時改一改喇，唔係佢地會好辛苦架！績下頁

（續上頁）
你已有能力角逐各個獎項，冀望下季你能為自已而站上頒獎台，到時我地都可以沾點光嘛！！
大鼻：你仍有很大進步空間，不過返工緊要呀；要搵錢嘛。再加上早排既腳傷，操練時間相對減少，不過你仍然
可以保持你穩定既演出，要知道此運動穩定性係好緊要架。下季將要保持你呢個優點啊，要不然
我地好難衝出第四組架！！^_^
奇雲：你就最辛苦喇，作客比賽就比賽，但係主場比賽重要做添。不過當各人發揮唔到時，你就會在這
緊要關頭發揮你既小宇宙，從而帶動全隊士氣上升，這點能耐就係你魅力所在喇！
雖然下季你既離隊確係我地既損失，但我相信你會有回歸既一日架，隨時歡迎你啊。
至於舊隊友，亦有一些小評，如下：
BoBo：你既角色就係隊中能量補充劑。每逢你既勝出，就係其它隊友既強心針；就算你輸，亦係令其它人
即時醒悟起來，提高警惕。再加上你既心理戰術，平時一d好隱定既鏢手都被你令到自亂陣腳，故此
你係Assassin不可缺少既一員啊。雖然好多時都要你出去作消耗對手既一員，但我相信你既心理質
素係可以應付架（沒法啦，鏢隊成績始終要放第一位），下季我地做好d鋪排，一齊衝出第四組啦！
（續下頁）

第53屆硬鏢聯完滿結束喇

本季終於完滿結束喇，真係要多謝咁多位隊友所付出既努力，而達至共同目標（100分）cool
首要多謝當然係四位新隊友啦（文仔、邦、大鼻、Calvin），冇你地！Assassin應該都要包尾喇
作為Vice既我，作出了以下小評：
文仔：進步最快，確有天份！行出黎完全唔似新人！在不久既將來必成大器。不過你可能未去到樽頸位啦
（意思係突然間搵唔可以再進步既空間，停左落黎咁。不過大部份鏢手都會經歷呢個階段
你必須要有呢個心理準備，到時就唔使太困惑喇），今季亦榮薦Ton80皇，因為只有你一個，
不過，下季將要面對其它隊員既挑戰喇，由其ah邦！當然包括我啦。
邦 ：對於掌控枝鏢既技術，進步速度屬於神速級！由富豪杯開始手震到連自已都控制唔到，到而家隨心而發，大部份時間都做到nice scope，由經常計錯分，行錯分；什至埋錯分，到而家做到熟練既Cover（除左發瘟時 haha）連Ruby都發現呢點，可想而知，你所付出既努力係有目共睹架。榮薦爆Ton皇真係當之無愧
對住個咁爆得既鏢手，相信對手肯定會好緊張、好大壓力啊，真係腳仔都軟埋呀（續下頁）

本季最後一場....大家加油!!!!

大家邁向100分 & 6連勝進發!!!!

文仔字

I-darts open

星期日去玩I-darts open,70-80多人參加，由3點等到5點先掟第一場！簡直等到呆左。
因為賽制係讓分制，對頭2個對手都要讓分！唉，真慘。（無so啦），好彩唔係讓好多
最後，8強對Linz，終於我受讓喇，不過都輸囉，始終超級組真係強架，幾十人玩入到
8強算對自已有交代啦！haha
charmy字

登...登...登...

又戰勝一場硬仗(贏7:3).....依家大分有94分!!!
距離100分目標又跨進一大步!!!

下個星期本季最後一場比賽
bobo提議食餐"季後飯"....
去邊度食大家俾下意見!!!
亦可以下星期傾下!!!!

文仔上

今晚又黎喇，喂……

今晚又係大開殺界的日子喇，各位唔好手軟，盡情廝殺啦

仲有19分

各位好隊員, 記住我地目標係一百分, 不要手軟.............打佢老味~~~~~

下半季成績

單計下半季成績，七場比賽取44分....只係次於unknown同kangroon，所以我地絕對有力威脅上遊既對手!!!只係大家上半季未ready好!!!
加油!!!各位殺手!!!

文仔字

今個禮拜………目標………達到喇！yeah……

先取下8分，後面就做D囉！hehe
Charmy 字

100分……！！！

目標明確，誓取100分！

聽晚加油!!!

收到正副隊長新order.......目標大分100分或以上!!!本來我地已經冇野爭....就因為呢個目標多左一份動力!!!黎緊四場都要加油、加油、再加油!!!!!

文仔字

好野......今個禮拜休息!!

各位隊友~~~上個禮拜變超級薩亞人打完一場硬仗之後, 今個禮拜終於有得休息啦,
不過天耶......下一場對Bulldozer真係要好....好.......好夜先走得喎~~~
我相信隊員應該都不打緊既,最緊要WIN啫!!!!!大家係唔係咁話呢!!!


PS: 各位薩亞人聽住, 阿隊長話問我地想食乜野喎, 大家快d諗一諗又或者留言係意見箱都得.
仲有個意見箱應該整番好架啦, 你地睇下得唔得, 按一下文章下的意見之後會彈出一個意見箱來的,
打完意見之後係下面選"名字", 打番自己個名咁可以發表架啦~~~~

贏得好險

Yeah~~~~~~今晚估唔到我地贏咗磅首, 成班都係超級薩亞人...........正,

不過贏得好險...........呼, 跟住之後一隊比一隊難打, 不過唔緊要, 努力~~~

PS: 可以比我講一句野嗎, 呀..............................................可惡呀比達feel..feel.....feel(今次有配音既),

~~~~~~~~~~好收工,

仲有隊長記得覆我地喎.....hahahahahahahahaha.

要打大佬啦

各位, 我地聽日要打大佬啦, 大佬就菲利特戰隊同埋菲利六個人(化名unknown),

不過呢六條騎呢怪真係好難打, 但係如果有個超級薩亞人係度又唔同咁講法啦,

聽晚邊個做到超級薩亞人的話就一個抽晒佢啦唔該, 唔係地球就會毁滅架~~~~~

不過真係希望個個都變到薩亞人就好lu................

PS: 又係o個句, 如果贏到的話阿隊長都係會請食飯的, 係唔係呀隊長?????(一定要答)

報仇"舌"恨

我地下一場面對的就係之前令我地係主場輸咗oooooooooo的Kangaroo Darts,

(可....惡.....呀.........格古洛)

今次我們仲係去人地的主場, 能不能報仇,

就看看我們的能耐吧!!!!!!

努力~~~~~~

PS: 贏咗隊長請食飯, 食足一個禮拜, Yeah~~~~~hahahahaha

(講到好似真o既一樣喎)

John Lowe 跟 Phil Taylor 的動作